Форум » Архив НСФ » Re: » Ответить
Re:
Felix: [quote]"Аз, имярек, иже от безпоповския ереси всею душею моею приступаю ко истинней православней вере, Единыя Св. Соборныя и Апостольския Церкви. Прежде же всего отвращаюся и отрицаюся всякаго неподобнаго еретическаго мудрования, и проклинаю всех, иже сопротивно св. апостолом и св. богоносным отцем творящия и учащия. Проклинаю вся заповедания и проповедания еретическая, яже прокляша святии отцы на 7 вселенских и 9 поместных соборех. Проклинаю утверждающих, яко Церковь Христова лишилась ныне многих благодатных ея таинств, установленных ко освящению чад ея. Проклинаю проповедующих, якобы таинство хиротонии заблуждением священных лиц уничтожается. Проклинаю отрицающих вечность христопреданнаго священства, в другопреемстве апостольскаго рукоположения, в Церкви Христовой продолжающуюся. Проклинаю отвергающих законность Христова священства на священных лицах, обращающихся от ереси втораго и третьяго чина. Проклинаю развращенныя безпоповских соборищ уложения и статии, прелагающия пророческия, евангельския, апостольския и святоотеческия предания и словеса по своему кривосказательному мудрованию. Проклинаю провозглашающих, якобы и кроме благодатных таинств можно подвигами своими спастися. (Карфаген. соб., прав. 114.или 127). Проклинаю утверждающих, яко и простецы могут таинства церковныя, крещения, исповеди и браки творити. Проклинаю признающих законным безсвященнословный брак, яже Св. Церковь блудническим смешением именует (Кормч., л. 336 и 722). Проклинаю отрицающих быть в настоящее время законному браку, и посему установляющих для всех насильственное девственное житие. Проклинаю разлучающих мужей от жен, и жен от мужей в явное отвержение Божия изречения: яже убо Бог сочета, человек да не разлучает (Матф., зач. 78). Проклинаю всякое ложное показание на Св. Соборную и Апостольскую Церковь писанием, и вся прочия явленыя и неявленныя ереси их, всех сих отрицаюся, отмещуся от них и причитаюся Христу". (Книга "Чиноприятие приходящих от ересей и чин св. крещения". Уральск, Старообр. типография, 7416) [/quote]
Ответов - 0
полная версия страницы